Сезімге балап жүрек өртеп барады,
Көріп сені жаным ләззәт алады.
Мөлдіреп көзім таңғы нұрдай тербеліп,
Өзіңді жаным өзіңді іздеп табады.
Көңіл шөлдеп, жүрек терлеп,
Ыстық сезім баурайды.
Күндер зулап, жүрек тулап,
Жаным тыныш таппайды.
Көрмеске қимай асыға күтем, сағынам.
Шаттыққа балап көзімді жасқа толтырам.
Махаббат әні жүректі шарлап, жағалап,
Сезімді жалғап арманға биік қол созам.
Автор: белгісіз
| 
